UM OKKUR
Markmiðin
- Veita 16 nemendum inngöngu til framúrskarandi menntunar í hársnyrtiiðn sem sniðin er að þörfum þeirra og atvinnulífinu.
- Að aðstæður og aðbúnaður sé fyrsta flokks og til fyrirmyndar.
- Að virkja nemendur á jákvæðan og uppbyggilegan hátt bæði í skóla og heima fyrir.
- Að kenna nemendum þekkingu og góða verk-kunnáttu í hársnyrtiiðn á 12 mánuðum.
- Nemendur Hárakademíunnar verða tilbúnir til sveinsprófs sem og vinnu út á gólfi að ári loknu.
- Að útskrifa framúrskarandi fagfólk.
Nýjung við námið í Hárakademíunni
- Hárakademían útvegar öllum sínum nemendum námssamning við hársnyrtistofu.
- Allir nemendur fara í gegnum sveinspróf.
- Fyrir afhendingu burtfaraskírteinis úr Hárakademíunni hafa allir farið í gegnum sveinspróf.
- Afgreiðsla með sölu á hárvörum fyrir viðskiptavini og almenning þar sem nemendur læra að selja vörur sem telst vera mikilvægur þáttur í rekstri á hársnyrtistofu.
- Námið er kennt af framúrskarandi fagfólki sem er enn að vinna á gólfi og heldur sér ferskum í faginu.
- Styttra nám, tekur 12 mánuði í Hárakademíunni og námssamningur er einnig styttur í samræmi við námið í skólanum.
- Nemendur fara í útskriftarferð erlendis í toni&guy academy of London.
- Hárakademían kennir sveinsprófsfögin og kennir stóran hluta af náminu á svokölluðu “opnum dögum”.
- Opnir dagar eru á föstudögum og þá er hægt að panta tíma eins og á hárgreiðslustofum.
- Nemendur Hárakademíunnar safna sér sínum eigin viðskiptavinahópi yfir árið.
- Hárakademían þjálfar nemendur sína að vinna með lifandi módel stóran hluta af náminu.
Hársnyrtiiðn
Hársnyrtiiðn er þjónustustarf. Starfið er mjög krefjandi og er útfært í nánum tengslum við viðskiptavininn. Ráðgjöf um persónulegt útlit er stór hluti starfsins og krefst það listræns innsæis fagmannsins. Hársnyrtir þarf að búa yfir þekkingu á herra- og dömuformum, litun, liðun og hafa til að bera þekkingu á tísku og tíðaranda hverju sinni svo handverkið njóti sín sem best. Hársnyrtiiðn er samspil listrænnar sköpunar, faglegrar þekkingar, sem aflað er með námi í Hárakademíunni, og starfsþjálfunar á vinnustað.
Aðstaðan
Hárakademían er búin öllum glæsilegustu tækjum og búnaði sem völ er á. Kennslustofa fyrir bóklegt nám og stórt opið rými sem heldur utan um verklega kennslu sem líkir eftir hárgreiðslustofu eins og þær gerast í dag. Hárakademían verður einnig notuð til námskeiða fyrir fagfólk í stéttinni.
Gjaldskrá og LÍN
Námið í Hárakademíunni tekur 12 mánuði. Skólagjaldið er 1.970.000 kr. sem skiptist í fjórar greiðslur og þar af er staðfestingargjald 170.000 kr. Innifalið í skólagjaldinu er allt námsefni, tæki og tól til verklegrar kennslu.
Nánari útlistun skólagjalds:
Staðfestingargjald 170.000 kr.
1.önnin 600.000 kr.
2.önnin 600.000 kr.
3.önnin 600.000 kr.
Farið er í útskriftarferð haustið 2018 í Tony&Guy akademíuna í London og er fargjald og akademían innifalið í skólagjöldum.
Námið er lánshæft hjá LÍN.
Gjalddagar skólagjalda og útborgun lána hjá LÍN eru ekki alltaf alveg á sama tíma og hafa nemendur þá sótt um tímabundna fyrirgreiðslu hjá sínum viðskiptabanka.
Hámarks lán frá LÍN vegna skólagjalda er 1.170.000 kr. Mismuninn þurfa nemendur að fjármagna sjálfir.
Hárakademían býður nemendum upp á greiðslukortalán & pei.is fyrir 3.önninni, til allt að 36 mánaða með vöxtum.
Samstarfsaðilar
NÁMIÐ
Uppbygging náms og inntökuskilyrði
Hárakademían býður uppá nám í hársnyrtiiðn til undirbúnings fyrir sveinspróf. Námið er lotunám og er hver áfangi kenndur í 2ja til 3ja vikna lotum eftir fjölda eininga. Námið tekur 12 mánuði, sem skiptist á þrjár annir og er hver önn að jafnaði 15 vikur. Kennt er alla virka daga frá kl. 8:30 til 16:30 og er mætingarskylda 90% yfir skólaárið. Eftir 3. önnina fara nemendur á námssamning hjá hársnyrtistofu í 1 ár og sér Hárakademían í samstarfi við nemendur um að koma þeim á námssamning. Að loknum námssamning á hársnyrtistofu fara nemendur Hárakademíunnar í sveinspróf. Hér má sjá Námskrá Hárakademíunnar. Námið er kennt á Íslensku.
Eftir útskrift úr sveinsprófi í hársnyrtiðn, geta nemendur innritast í meistaranám og/eða haldið áfram námi til stúdentsprófs í framhaldsskólum.
Inntökuskilyrði
Nemendur þurfa að hafa náð 18 ára aldri og hafa lokið neðangreindum almennum greinum og almennum sérgreinum í framhaldsskóla inntökiskilyrði. Hér má sjá Inntökuskilyrði eins og eru í framhaldsskólum í dag.
Allir umsækjendur í Hárakademíuna koma í viðtal hjá skólastjóra áður en umsókn er samþykkt. Skólastjóri veitir umsækjendum sínum ráðgjöf og aðstoð ef einhverjum skylduáföngum í almennum greinum er ekki þegar lokið.
FÓLKIÐ
Við erum Hárakademían
Í Hárakademíunni starfa faglærðir meistarar og sveinar sem hafa margra ára reynslu í faginu. Þeir hafa allir mikla þekkingu og reynslu erlendis frá t.a.m Toni&Guy, AVEDA og Vidal sasson. Hárakademían mun einnig fá fjölda af gesta leiðbeinendum til kennslu.
Harpa Ómarsdóttir
Eigandi, skólastjóri & kennari við Hárakademíuna.
Harpa útskrifaðist sem hársnyrtimeistari haustið 2004. Starfaði hjá TONI&GUY á Íslandi sem Technical Director eða litafræðingur og litahönnuður frá tony&guy academy of London. Er með kennsluréttindi í Aveda háralit frá Aveda Academy of Boston, hefur einnig mikla reynslu og þekkingu á að kenna fagfólki á Íslandi. Harpa lauk námi í framhaldskóla kennsluréttindum í júní 2014. Harpa er einnig í label.m Ambassador námi hjá Tony&Guy London.
Sigrún Davíðsdóttir
Hársnyrtimeistari & kennari við Hárakdemíuna.
Manager hjá Toni&Guy á Íslandi 2002-2008
Sigrún útskrifaðist sem hársnyrtimeistari árið 2006. Starfaði hjá Toni&Guy og öðlaðist þar mikla reynslu við kennslu og þjálfun nemenda. Var í námi við kennslu og útskrift nemanda við Toni&Guy academy of London. Sigrún hefur unnið við myndatökur og hársýningar og einnig unnið við London Fashion Week á vegum Toni&Guy. Sigrún er í námi við kennslufræði iðnmeistara. Sigrún starfar nú sem hársnyrtimeistari á Barbarella, suðurgötu 7.
Baldur Gylfason
Hársnyrtimeistari & eigandi bPro heildverslun.
bPro flytur inn hágæðavörurnar Label.m, HH Somonsen, purepact, HairMaker og Palco. Baldur hefur unnið sem hársnyrtimeistari síðan 1999 og rak mojo/monroe í mörg ár.
Kolbrún Kristjánsdóttir
Hársnyrtimeistari & kennari við Hárakademíunna.
Kolbrún starfar sem hársnyrtimeistari á Kompaníinu, Turninum í Kópavogi.
Katrín Ósk Guðlaugsdóttir
Hársnyrtimeistari & kennari við Hárakademíunna.
Katrín lauk kennslufræði iðnmeistara vorið 2014 og starfar sem Hársnyrtimeistari á Rauðhettu & Úlfinum, Skólavörðustíg 8.
Heba Helgadóttir
Hársnyrtimeistari & kennari við Hárakademíunna.
Heba starfar sem Hársnyrtimeistari á Barbarella, suðurgötu 7.
Aldís Eva Ágústsdóttir
Hársnyrtimeistari, skrifstofustjóri & leiðbeinandi við Hárakademíunna.
Aldís útskrifaðist í desember árið 2011, árið eftir kláraði hún meistarann. Aldís starfar sem hársnyrtimeistari á Blondie, mörkinni 1.
HAFA SAMBAND
Fyrirspurnir
Allar nánari upplýsingar um inntökuskilyrði og umsóknarferli ásamt upplýsingum um skráningar- og skólagjöld fást með að senda tölvupóst á harpa@harakademian.is
Sækja um skólavist
Til að sækja um skólavist þarf að fylla út eyðublaðið hér: UMSÓKN 2017 og senda útfyllt á netfangið: